MATRIKULAZIOA 2021/22

Datorren 2020/21 ikasturterako 3 eta 16 urteko haurren matrikulazio epea, urtarrilaren 18tik 29ra (biak barne) izango da.

Gure ikastola bertatik bertara ezagutu nahi baduzu, zatoz gurera ate irekien egunera! Urtarrilaren 23an gure ateak irekiko ditugu 11:00-tan Haur Hezkuntzako eraikinean. Zure zain egongo gara!

Udarregi ikastolak zera eskaintzen dizue:

  • 0 urtetik 16 urtera bitarteko irakaskuntza arautua.
  • Heziketa euskalduna: euskaraz ikasiz eta biziz, Euskal Herriko Kultura eta herri-ekintzetan murgildu.
  • Balore eta jarreren lanketa, heziketaren ardatz gisa.
  • KiVa Ikastola: Eskola Jazarpenaren (bullying) aurkako programa finlandiarra indarrean.
  • Irakaskuntza Eleanitza: D eredua, ingelesa 4 urtetik aurrera, gaztelania Lehen Hezkuntzaren 2. mailatik aurrera, eta frantsesa Derrigorrezko Bigarren Hezkuntzan.
  • Hizkuntzetarako irakasle espezialistak.
  • Orientazio Departamendua: tutoretza eta banakako orientazioa. Orientazioa gurasoentzat.
  • Heziketa Behar Bereziak dituztenentzat Laguntza Gela.
  • Informazio eta Komunikazio-Teknologiak: Informatika, Internet eta Ikus-entzunezkoak.
  • Garraio zerbitzua.
  • Jangela: Bertan sukaldatutako garaian garaiko janaria, herriko elikagaiak eta elikagai ekologikoak. Dieta orekatuak eta osatuak.
  • Eskolaz kanpoko jarduerak: ZIRIMARA proiektua, kirolak, dantza, xake, antzerkia.
  • Ikasleen Goizeko Zaintza: 08:00etatik 09:00etara.

Eta aurreko guztiaren euskarri gisa:

  • 53 urteko esperientzia Usurbilen.
  • Irakasleria egonkorra eta berrikuntza pedagogikoez arduratua.
  • Gestio demokratikoa: guraso eta langileen partaidetza zuzena arlo guztietan.  
  • Erakunde irekia, anitza eta iritzi guztietara zabalik. Herri Onurako Kooperatiba. Guraso Kooperatiba.
  • Kalitatezko Hezkuntza lortzen lagunduko digun, Kalitate Aurreratuaren Kudeaketa Sistemarekin konprometituta 

Informazio gehiagorako, kontutan izan honakoa:

Matrikulazio epea

  • Urtarrilaren 18tik 29ra (biak barne)

Matrikulatzeko ordutegia

  • Aurrez deitu ikastolara (3-16 años) hitzordua hartzeko (943-361216)

Aurkeztu beharreko dokumentazioa matrikula egiteko (fotokopiak)

  • Bizikidetza egiaztagiria (Udalak emana)
  • NAN tamainako argazkia
  • Familia Liburua
  • Guraso/tutoreen NAN
  • Gizarte Segurantzako txartela
  • Kontu korronte zenbakia (IBAN eta BIC kodeak)